(რეზონანსი) საქართველოს ფეხბურთის ფედერაციის პრეზიდენტი ლევან კობიაშვილი გულშემატკივარ მოუწოდებს დაუდგეს გვერდით საქართველოს ნაკრებს და თავი შეიკავოს ნებისმიერი სახის პროვოკაციისგან.
მისი თქმით, წინააღმდეგ შემთხვევაში უეფა იტოვებს უფლებას ტრიბუნებიდან ნებისმიერი პროვოკაციის დროს, შეწყვიტოს მატჩი და თამაში საქართველოს ნაკრებს წაგებად ჩაეთვლება.
„ჩვენთვის ყოველთვის პრიორიტეტია ნაკრების მატჩები. უსაფრთხოება ნებისმიერი ადამიანის ვინც სტადიონზე იქნება, გულშემატკივარს ვგულისხმობ. ეს არის ოფიციალური მატჩი და თავისთავად ამ თამაშს ჰყავს თავისი დელეგატი და ზუსტად აქედან გამომდინარე ვსაუბრობ. ნებისმიერი რაღაც არასპორტული საქციელი, რომელმაც შეიძლება რაიმე სახის ნეგატივი გამოიწვიოს შეიძლება, ძალიან მკაცრად იქნას შეფასებული. ამას წყვიტავს უშუალოდ დელეგატი.
"თუ რაიმე სახის ქმედება ხდება ტრიბუნაზე შეუძლია ასევე თამაშის ჩაშლა. თამაშის შეწყვეტა რომელსაც ვიტყოდი, რომ იქნება კატარსტროფა ჩვენთვის. ჩვენ ეს არ გვჭირდება და მე დარწმუნებული ვარ რომ თითოეული გულშემატკივარი გაითვალისწინებს თავის პასუხისმგებლობას და პირველ რიგში მოვა იქ იმიტომ, რომ ჩვენ ნაკრებს დაუდგეს გვერდში და ვიზეიმოთ გამარჯვება", - განაცხადა ლევან კობიაშვილმა.
საქართველოს ნაკრები დღეს საღამოს უეფა-ს ერთა ლიგის მატჩზე ლატვიას დაუპირისპირდება. დღევანდელი მატჩის პარალელურად გურამ კაშიას წინააღმდეგ აქციის გამართვას გეგმავს „ქართული მარში," თუმცა მოძრაობა მზად არის გურამ კაშიას მხრიდან ბოდიშის მოხდის შემთხვევაში, გააუქმოს დაგეგმილ აქცია.