აფხაზეთის თვითგამოცხადებული რესპუბლიკის პრეზიდენტი რაულ ხაჯიმბა ადასტურებს ავტოავარიაში პრემიერ-მინისტრ გენადი გაგულიას დაღუპვას. „აფხაზეთის ხელმძღვანელობის დელეგაცია სახელმწიფო ვიზიტის შემდეგ ბრუნდებოდა სირიიდან. მე თავად ვიყავი კოლონაში და ავტოავარიის მოწმე გავხდი. ეს ავტოავარია იყო და არა ტერაქტი“, - განუცხადა ხაჯიმბამ „ინტერფაქსს“.

თვითმხილველთა თქმით, რესპუბლიკის სახელმწიფო მოხელეთა ავტოკოლონას შეეჯახა მსუბუქი ავტომანქანა.

როგორც აფხაზეთის თვითგამოცხადებული რესპუბლიკის შინაგან საქმეთა სამინისტროს პრეს-მდივანი ირინა კიუტი იტყობინება, ავტოკატასტროფა გუდაუთის რაიონის სოფელ ბლაბირხვაში  მოხდა.