(რეზონანსი) გორის სამხედრო ჰოსპიტალში მოთავსებული სამხედრო მოსამსახურეების სიცოცხლეს საფრთხე არ ემუქრება და ორივე მათგანს ზედაპირული დაზიანებები აღენიშნება.

თავდაცვის სამინისტროს ვაზიანის სამხედრო დანაყოფში, სასროლეთის ტერიტორიაზე მომხდარი ავტოსაგზაო შემთხვევს შედეგად დაიღუპა 1 და დაშავდა 2 ჯარისკაცი, რომლებიც გორის სამხედრო ჰოსპიტალში წუხელ ინგოროყვას კლინიკიდან გადაიყვანეს.

მომხდარზე სამხედრო პოლიციის დეპარტამენტში დაწყებულია გამოძიება სსკ მე-400 მუხლის მე-2 ნაწილით, რაც გულისხმობს საბრძოლო სატრნასპორტო მანქანის მართვის, ან ექსპლუატაციის წესის დარვევას, რამაც გამოიწვია ადამიანის სიცოცხლის მოსპობა. დანაშაული 3-7 წლამდე პატიმრობას ითვალისწინებს.