(რეზონანსი) საპრეზიდენტო კანდიდატი სალომე ზურაბიშვილი ზესტაფონში მოსახლეობას შეხვდა. ადგილობრივებთან კანდიდატს მის მიერ რუსეთ-საქართველოს ომის შესახებ გაკეთებული განცხადების გამო უსაყვედურეს და ახსნა-განმარტების გაკეთბა მოსთხოვეს.

„იგივე მდგომარეობა რომ განმეორდეს, თქვენ ფიანდაზებით შეხვდებით რუსის ჯარს" - მიმართა ერთ-ერთმა მოქალაქემ სალომე ზურაბიშვილს.

ზურაბიშვილმა მოქალაქეს კი პასუხად უთხრა, რომ საქართველოდან რუსის ჯარი მან გაიყვანა.

„სად გაიყვანეთ ისევ აქ არიან, თანდათან მოდიან. ცოტახანში გზაზე ვეღარ გამოვივლით", - დაუბრუნა პასუხი მოქალაქემ. „თქვენმა მიშამ შემოიყვანა რუსის ჯარი", - მიმართა ბოლოს ზურაბიშვილმა.