(რეზონანსი) გემი PANTELENA, რომელზეც 17 ქართველი მეზღვაური იმყოფება, ლომეს პორტში უსაფრთხოდ დაბრუნდა.

გემის კაპიტნის ინფორმაციით, PANTELENA-ს ეკიპაჟზე შეიარაღებული თავდასხმა გაბონის ტერიტორიულ წყლებში განხორციელდ, რის შემდეგაც გემი ღია ზღვაში გაიტაცეს.

საქართველოს საგარეო საქმეთა სამინისტროს ცნობით, ქართული მხარე გემის ეკიპაჟს დაუკავშირდა, რომელიც უზრუნველყოფილია პირველადი საჭიროებებით და მისი წევრების სიცოცხლესა და ჯანმრთელობას საფრთხე არ ემუქრება.

შეგახსენებთ, რომ პანამის დროშის ქვეშ მცურავი, 121 მეტრის სიგრძის გემზე, რომელსაც 7 000 ტონა საწვავი გადაჰქონდა, საქართველოს 17 და რუსეთის ორი მოქალაქე იმყოფებოდა. ტანკერი რადარებიდან 14 აგვისტოს გაუჩინარდა.