"ხელისუფლება ამბობს, რომ საქმე კეთდება, უბრალოდ ვერ პიარდება... მთავრობის პრესსამსახურში ახლა 2-ჯერ მეტი ადამიანი მუშაობს, ვიდრე 2012-ში. მთავრობის პრესსამსახურის ანაზღაურება 2012 წლის შემდეგ თითქმის გაათმაგდა.

„რაც შეეხება მთავრობის ადმინისტრაციის სარეკლამო ხარჯებს, 2017 წლებში მთავრობამ რეკლამაში 6-ჯერ მეტი დახარჯა, ვიდრე 2012-ში. „გაკეთებული საქმე" გადამეტებულად პიარდება," - ნათქვამია „ფლანგვის დეტექტორის" მიერ გავრცელებულ ვიდეომასალაში.

ბრალდების საპაუხოდ მთავრობის პრესამსახურის წარმომადგენელმა "რეზონანს" განუცხადა:  „პრემიერ-მინისტრის პრესსამსახურში ვმუშაობთ იმდენი ადამიანი, რამდენიც მუშაობს ბოლო რამდენიმე წელია უკვე", ხოლო დეტალური ინფორმაციის მიღება შესაძლებელია მხოლოდ ოფიციალური წერილის საფუძველზე.