(რეზონანსი) სასტუმრო „ველმონდი", ყოფილი „ლეოგრანდი" რამდენიმე წუთის წინ დაიხურა. შენობიდან სტუმრების გაყვანა დილიდან მიმდინარეობდა.

ყოფილი „ლეოგრანდიდან" ტურისტების გადაყვანის პროცედურებში აჭარის ტურიზმისა და კურორტების დეპარტამენტი აქტიურად იყო ჩართული. როგორც უწყებაში განაცხადეს, ტურისტები ბათუმის სხვადასხვა სასტუმროებში არიან მოთავსებული და უსაფრთხო გარემოში იმყოფებიან.

როგორც საგანგებო სიტუაციების მართვის სამსახურის სახანძრო სამაშველო დეპარტამენტის დირექტორის მოადგილემ ლევან მაისურაძემ განაცხადა, სასტუროში ვიდრე სახნძრო უსაფრთოების ნომრები არ მოწესრიგდება, სასტუმრო ფუნქციონირებას ვერ დაიწყებს.

გასული წლის 24 ნოემბერს ყოფილ „ლეოგრანდში" ხანძრის შედეგად 11 ადამიანი გარდაიცვალა ხოლო 20-მდე პირი დაშავდა. დაღუპულთაგან 10 ქართველი ერთი კი ირანის მოქალაქე იყო.