(რეზონანსი) როცა პრეზიდენტი უცხოელ სტუმრებს მიიღებს, ჭამა-სმით აღარ უნდა გავაკვირვოთ, წავიყვანოთ იქ, სადაც საქართველოს კულტურაა სანახავი, - ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა განაცხადა.
მისივე თქმით, ქვეყნის პრეზიდენტი კულტურის დესპანი უნდა იყოს.
„ჩვენი კულტურა ბევრად მეტია და ვაპირებ, როცა პრეზიდენტი თავის უცხოელ სტუმრებს მიიღებს, ჭამა-სმით აღარ გავაკვირვოთ, წავიყვანოთ იქ, სადაც საქართველოს კულტურაა სანახავი და კარგად გავაგებინოთ, ვინ ვართ, საიდან მოვდივართ და სრული უფლება გვაქვს, ვიყოთ ევროპის სრულყოფილი წევრი. ეს ჩემი ერთ-ერთი მთავარი მიზანია, რასაც კულტურის გარეშე ვერ მივაღწევთ, ეს ყველას გასაკეთებელია", - განაცხადა სალომე ზურაბიშვილმა.