რეჯეფ თაიფ ერდოღანი აცხადებს, რომ თურქეთზე ეკონომიკური ზეწოლაა. „თურქეთის წინააღმდეგ სხვადასხვა კამპანია მიმდინარეობს, არ მიაქციოთ ამ ყველაფერს ყურადღება. თუ მათ დოლარები აქვთ, ჩვენ ჩვენი ხალხი, სამართალი და ალაჰი გვყავს“, - განაცხადა ერდოღანმა.

შეგახსენებთ, ამერიკის შეერთებულ შტატებსა და თურქეთს შორის გამწვავებული ურთიერთობის ფონზე, თურქული ლირის ღირებულება ისტორიულ მინიმუმამდე დაეცა. რამდენიმე კვირის წინ ამერიკის შეერთებულმა შტატებმა თურქეთს სანქციები დაუწესა.