საპარლამენტო უმრავლესობის წევრი ზაქარია ქუცნაშვილი საქართველოს სახალხო დამცველის ნინო ლომჯარიას იმ განცხადებას გამოეხმაურა, სადაც ომბუდსმენი ამბობს, რომ ნორმატიულ აქტებში ტერმინი "ოჯახის უფროსი" დისკრიმინაციის წამახალისებლად მიაჩნია.

"ჩვენ უნდა ვებრძოლოთ განსხვავებებს იქ, სადაც არა პასუხისმგებლობა, არამედ პრივილეგიაა. ოჯახის თავიკაცობა სწორედ პასუხისმგებლობაა. აქედან გამომდინარე, მე ვერ ვხედავ აქ ტრაგედიას. მგონია, რომ გენდერული თანასწორობა უნდა გავასწოროთ იქ, სადაც პრივილეგიასთან გვაქვს საქმე, დაუმსახურებელ შეღავათთან და არა პასუხისმგებლობასთან", - აღნიშნა დეპუტატმა.