აგვისტოს ომიდან დღემდე, რუსეთის მიერ ოკუპირებულმა რეჟიმებმა საქართველოს მოქალაქეების გატაცებით, 7.5 მილიონი რუბლი მიიღეს, რაც დაახლოებით 300 000 ლარია. 2008 წლის 1-ლი სექტემბრიდან 2018 წლის 3 აგვისტოს ჩათვლით, ოკუპირებული აფხაზეთისა და სამხრეთ ოსეთის დეფაქტო მესაზღვრეებმა უკანონოდ 3 044 მოქალაქე დააკავეს. მათ გათავისუფლების სანაცვლოდ კი ოკუპირებულმა რეგიონებმა ჯამში 300 000 ლარი მიითვისეს. 

"კომერსანტის" ინფორმაციით, თითო უკანონოდ დაკავებულმა ადამიანმა ოკუპირებულ რეჟიმს გათავისუფლების სანაცვლოდ 2000-დან 2500 რუბლამდე უნდა გადაუხადოს. 

2008 წლის რუსეთ-საქართველოს ომის შემდეგ რუსეთის საოკუპაციო ძალები ცხინვალის რეგიონში დიდი და პატარა ლიახვის, ფრონეს ხეობის და ახალგორის რაიონის 103 სოფელს აკონტროლებს.