პარტია "ევროპულ საქართველოს" მარნეულის საკრებულოში ფრაქცია აღარ აქვს. სამ კაციანი ფრაქცია პროტესტის ნიშნად თავმჯდომარის, ახმედ იმამყულიევის მოადგილემ დატოვა. ქარიმოვის მიერ ფრაქციის დატოვება მოულოდნელი აღმოჩნდა იმამყულიევისთვის. იგი ყოფილ თანაგუნდელს ღალატში ადანაშაულებს.

ერთპიროვნულ მმართველობაზე საუბრობენ ის ადამიანებიც, რომლებიც ასევე გაემიჯნენ პარტიას. "ევროპული საქართველო" რამდენიმე ათეულმა ადამიანმა დატოვა. მათ შორის არიან ისინი, ვინც არჩევნებში ამ პარტიის სახელით იყრიდა კენჭსაც. რაიონული ორგანიზაციის თავმჯდომარეს ისინიც დიქტატორულ და ერთპიროვნულ მმართველობაში ადანაშაულებენ.

"რუსთავი 2"-ის ინფორმაციით,  "ევროპული საქართველოს" უკვე ყოფილი წევრები განხეთქილების მიზეზად პარტიის ლიდერების უყურადღებობასაც ასახელებენ.