(რეზონანსი) გერმანიაში, ვექენის მუნიციპალიტეტში მდებარე მოხუცთა თავშესაფრიდან ორი კაცი მძიმე მეტალის ფესტივალზე დასასწრებად გაიპარა.

თავშესაფრის თანამშრომლებმა პარასკევს, საღამოს შენიშნეს, რომ კაცები თავიანთ ოთახებში არ იმყოფებოდნენ, რის შემდეგაც პოლიციას მიმართეს. სამართალდამცავებმა შუაღამისას, 03:00-ზე მოხუცებს მძიმე მეტალის ფესტივალზე, Wecken Open Air-ზე მიაგნეს.

კაცები ფესტივალის ტერიტორიის საკუთარი ძალებით დატოვებას ვერ ახერხებდნენ, რის გამოც მათ პოლიცია დაეხმარა და თავშესაფარში დააბრუნა. როგორც პოლიციის სპიკერმა აღნიშნა, მათ ორიენტაციის შენარჩუნება უჭირდათ, "თუმცა მუსიკალური ფესტივალი მოსწონდათ".