(რეზონანსი) ანალიტიკოს ნინო ბურჭულაძის განცხადებით, თურქეთში, „ისლამური სახელმწიფოს" წინააღმდეგ ჩატარებული სპეცოპერაციის ფარგლებში დაკავებული მამაკაცი ახმედ ჩატაევის გარემოცვის წევრი იყო.

მისივე თქმით, ბრალდებული თურქეთში ჩატაევის გარემოცვს წევრად ითვლებოდა.

„ადრეც ვთქვი, რომ ჩატაევი 6 თვის განმავლობაში თურქეთში იმყოფებოდა და იქ ყოფნის პერიოდში, ის იყო მისი გარემოცვის წევრი" , - განაცხადა ბურჭულაძემ.

თურქეთში „ისლამური სახელმწიფოს" წინააღმდეგ სპეცოპერაცია ჩატარდა, რომლის ფარგლებშიც ტრაპიზონის პროვინციაში საქართველოს ორი მოქალაქე, ცოლ-ქმარი დააკავეს.

არსებული ინფორმაციით, საქართველოს მოქალაქეები თურქეთის ტერიტორიაზე უკანონოდ იმყოფებოდნენ. დაკავებულების საცხოვრებელის ჩხრეკისას სამართალდამცველებმა „ისლამურ სახელმწიფოსთან" დაკავშირებული სხვადასხვა დოკუმენტაცია ამოიღეს.