(რეზონანსი) ისრაელის მთავრობას სურს, მიიღოს კანონი ტერორისტების სიკვდილით დასჯის შესახებ.

შესაბამისი კანონპროექტი გუშინ, სამთავრობო კოალიციაში შემავალ პარტიებს შორის შეთანხმდა.

„კანონი ძალიან მარტივი და ძალიან მკაფიოა: ტერორისტი, რომელიც უდანაშაულო ხალხს კლავს, სიკვდილით უნდა დაისაჯოს", - ნათქვამია ისრაელის თავდაცვის მინისტრის, ავიგდორ ლიბერმანის პარტიის „ჩვენი სახლი ისრაელის" განცხადებაში.

საკანონმდებლო ინიციატივის ასამოქმედებლად პარლამენტში ოთხი მოსმენით მიღებაა საჭირო.