(რეზონანსი) თბილისში, "ნაციონალური მოძრაობის" მიერ ორგანიზებულ აქცია-მსვლელობაზე, ქვეყნის სხვადასხვა რეგიონიდან ჩამოვიდნენ.

„ღირსების მანიფესტს", შემოუერთდნენ ქობულეთიდან, გურიიდან, კასპიდან, ზესტაფონიდან და ა.შ.

"ნაციონალური მოძრაობის" ერთ-ერთი ლიდერი ნუგზარ წიკლაური აცხადებს, რომ მხარდამჭერები დედაქალაქში საკუთარი ხარჯით ჩამოვიდნენ.

აქცია-მსვლელობა „ღირსეული მანიფესტი" უკრაინაში სააკაშვილის გარშემო განვითარებული მოვლენების გამო დაიგეგმა. აქციის ორგანიზატორები აცხადებენ, რომ საქართველოს ექსპრეზიდენტს მიზანმიმართულად დევნიან.