(რეზონანსი) უკრაინის უსაფრთხოების სამსახურის ინფორმაციით, საქართველოს ყოფილ პრეზიდენტს, მიხეილ სააკაშვილს დაანაშაულებრივ დაჯგუფებებთან თანამშრომლობასა და მათი საქმიანობის დაფარვაში ბრალი ედება.

აღნიშნული, უკრაინის სისხლის სამართლის კოდექსის 256-ე მუხლის 1-ელი ნაწილით განისაზღვრება და 3-დან 5 წლამდე პატიმრობას ითვალისწინებს.

სააკაშვილი კიევში მისი ბინის ჩხრეკის დროს სახლის სახურავზე ავიდა და გადმოხტომით იმუქრებოდა.

უკრაინაში, საქართველოს ექსპრეზიდენტის სახლთან სპეცრაზმი დილიდან იყო მობილიზებული.

ადგილზე იმყოფებიან სააკაშვილის მხარდამჭერებიც, რომლებიც სამართალდამცველებს ტერიტორიის დატოვების საშუალებას არ აძლევენ.