(რეზონანსი) გიგი უგულავას განცხადებით,ცვლილებები ტოვებს განცდას, რომ მოხდა შიდა ძალთა გადანაწილება და ეს სახელისუფლებო კონიუნქტურა უფროა, ვიდრე რეალური ცვლილებები.მისი თქმით,დაწინაურდნენ ის პირები, რომლებიც ახლო ურთიერთობით გამოირჩევიან ივანიშვილთან.
„დავიწყოთ გიორგი გახარიათი - გახარია, რომელიც არც პოლიტიკურ ფიგურას წარმოადგენს და არც პოლიციასთან აქვს შეხება, ინიშნება შსს მინისტრად. მას არც გამოცდილება აქვს და არც პოლიტიკური წონა იმისთვის, რომ შსს მინისტრად დაინიშნოს,მაგრამ ის არის ივანიშვილის ახლო თანამშრომელი".
„მამუკა ბახტაძე, რომელიც ფინანსთა მინისტრად ინიშნება, ბოლო სამი წლის განმავლობაში რკინიგზას ხელმძღვანელობს, რომლის ტვირთბრუნვა საგრძნობლად შემცირდა. ამავდროულად, რკინიგზამ მთავრობასთან ერთად ჩააგდო ის ტესტი, რომელიც შემოვლით რკინიგზის პროექტს გულისხმობს. ესეც შიდა კლანურ გადაადგილებას უკავშირდება", - განაცხადა უგულავამ.