(რეზონანსი) შსს-ს სამცხე-ჯავახეთის პოლიციის დეპარტამენტის დეტექტივების სამმართველოს თანამშრომლებმა, ახალციხეში, 1958 წელს დაბადებული პირი პროსტიტუციისთვის ადგილის გადაცემის ფაქტზე დააკავეს.

შსს-ს ცნობით, გამოძიებამ დაადგინა, რომ ბრალდებული დროებით მფლობელობაში არსებულ თურქულ ბარში, გარკვეული პერიოდის განმავლობაში, გასამრჯელოს სანაცვლოდ, კონკრეტულ პირებს პროსტიტუციისთვის ადგილს უთმობდა.

სამართალდამცველებმა ბარში მომუშავე პერსონალი მოწმის სახით დაკითხეს. გამოძიება საქართველოს სსკ-ის 254-ე მუხლით მიმდინარეობს.