(რეზონანსი) 2017 წლის 9 თვეში საქართველოში 4436 ავტოსაგზაო შემთხვევის შედეგად დაიღუპა 384 ადამიანი, დაზარალდა 6280. დანაშაულის სტატისტიკას, შსს-ზე დაყრდობით, სტატისტიკის ეროვნული ცენტრი ავრცელებს.

2016 წელს 6939 ავტოსაგზაო შემთხვევიდან 581 ადამიანი გარდაიცვალა, ხოლო 9951 დაზარალდა.

ზოგადად 2017 წლის 9 თვეში რეგისტრირებულია 27568 დანაშაული (2016 წელს 35997), აქედან 804 სიცოცხლის წინააღმდეგ.

ამავე პერიოდში სამოხელეო დანაშაული 331-მა პირმა ჩაიდინა. თუ რამდენი და რა ტიპის დანაშაულია ამ პერიოდში სამართალდამაცავების მიერ გახსნილი, არ კონკრეტდება.

2017 წლის 3 კვარტალში რეგისტრირებულია ტრეფიკინგის 10 შემთხვევა და აქედან მხოლოდ ერთია გახსნილი.