(რეზონანსი) "ნაციონალური მოძრაობის" წევრი, ლევან ხაბეიშვილი ცესკოსგან სამაგიდე სიების გადაცემას ითხოვს. მისი თქმით, მათ ერთ-ერთ უბანზე გადაამოწმეს მონაცემები და აღმოჩნდა,რომ ცენტრალურ საარჩევნო ოქმში ისეთი ადამიანებიც იყვნენ, რომლებიც საერთოდ არ იმყოფებოდნენ საქართველოში.

მაგალითად მას მოჰყავს ცაგერის რაიონი,სადაც 21-ე საარჩევნო უბანზე ოქმის მიხედვით 33 ადამიანი არის სრულიად სიაში, არჩევნებში კი მონაწილეობა 31-მა მიიღო. ამ ერთი კონკრეტული მაგალითის საფუძველზე „ნაციონალური მოძრაობის" წევრი ითხოვს სამაგიდო სიების გადაცემას.

შეგახსენებთ, 21 ოქტომბერს ჩატარებულ თვითმმართველობის არჩევნებში ძირითადად მმართველმა პარტიამ გაიმარჯვა.