(რეზონანსი) საპატრიარქოში სპეციალური კომისია შეიქმნება, რომელიც ე.წ. ციანიდის საქმეს და მამა გიორგის საქმიანობას შეისწავლის. ინფორმაციას „რუსთავი 2" ავრცელებს.

ტელეკომპანიის თმით ეს ერთ-ერთი საკითხი იყო, რომელიც წმინდა სინოდის სხდომაზე განიხილეს.

საგანგებოდ გამართულ სხდომაზე ასევე მეუფე სერაფიმეს საკითხზე იმსჯელეს.

მეუფე სერაფიმეს ცოტა ხნის წინ მძიმე ბრალდებით ბორჯომის ეპარქია დაატოვებინეს და ის საზღვარგარეთ იმყოფებოდა.

სხდომაზე გადაწყდა, რომ მეუფე საქართველოში დაბრუნდება, თუმცა არა ბორჯომის ეპარქიაში, არამედ ერთ-ერთ მონასტერში.

საპატრიარქოში წმინდა სინოდის საგანგებოდ გამართული სხდომა ცოტა ხნის წინ დასრულდა.

როგორც სხდომიდან გამოსულმა ჭყონდიდის მიტროპოლიტმა, მეუფე პეტრე ცაავამ განაცხადა, დღევანდელი სხდომა ეკლესიისთვის წინ გადადგმული პოზიტიური ნაბიჯია.

მისივე თქმით სინოდზე საუბარი მასაც შეეხებოდა. მეუფეს ინფორმაციის მას გაფთხილება არ მიუღია.