(რეზონანსი) ჩემით დაიწყოს და გაგრძელდეს ეკლესიაში განწმენდა, - ასეთი კომენტარი გააკეთა საპატრიარქოსთან ჭყონდიდელმა მიტროპოლიტმა მეუფე პეტრემ ცაავამ.

მეუფე პეტრეს თქმით, პირადად მისთვის წმინდა სინოდის სხდომაზე განსახილველი საკითხები უცნობია. ასევე მისთვის უცნობია, იქნება თუ არა ერთ-ერთ საკითხად წარმოდგენილი ე.წ ციანიდის საქმე.

„საკითხები სამწუხაროდ ჩემთვის პირადად ცნობილი არ არის . ობიექტურად, სამართლიანად და მიუკერძოებლად გადაწყდეს ყველა საკითხი. ჩემით დაიწყოს და გაგრძელდეს ეკლესიაში განწმენდა,"-განაცხადა მეუფე პეტრემ.

რა საკითხებს განიხილავენ სასულიერო პირები ამ დროისთვის უცნობია. სხდომას ტრადიციულად პატრიარქი უხელმძღვანელებს.

დეკანოზ გიორგი მამალაძის განაჩენის გამოცხადების შემდეგ სინოდი დღეს საგანგებოდ პირველად შეიკრიბა.