(რეზონანსი) თბილისის მერობის დამოუკიდებელი კანდიდატი ალეკო ელისაშვილი "ქართული ოცნების" მერობის კანდიდატს კახა კალაძეს სატელევიზიო დებატებში იწვევს. ეს განცხადება ელისაშვილმა სპეციალურად გამართულ ბრიფინგზე გააკეთა.

„გადავწყვიტე ყოველგვარი შუამავლების, მიკიბ-მოკიბვის გარეშე, მივმართო "ქართული ოცნების" შტაბს, ჩემს კონკურენტს "ქართული ოცნებიდან", კახი კალაძეს და მე მას პირდაპირ ღია საჯარო დებატებში ვიწვევ," - განაცხადა ელისაშვილმა.

როგორც ელისაშვილი ამბობს, ნებისმიერ არხზე და ნებისმიერ ფორმატში მზად არის, კალაძესთან დებატებში დაჯდეს.