(რეზონანსი) ფონიჭალაში კიდევ ერთი სპეცოპერაცია ჩატარდა. სამართალდამცავებმა ნარკოდანაშაულის ბრალდებით ერთი პირი დააკავეს. დაკავებულს ბრალს ნარკოტიკების რეალიზაციის მუხლით წაუყენებენ. ინფორმაციას „რუსთავი 2" ავრცელებს.

სამართალდამცავები კრიმინალური პოლიციის სპეცდანიშნულების რაზმის წარმომადგენლებთან ერთად, ქვემო ფონიჭალაში, ერთ-ერთ საცხოვრებელ სახლში რამდენიმე საათის განმავლობაში მუშაობდნენ.

დაკავებულის მეზობლების თქმით, აღნიშნულ სახლში მარტოხელა მამაკაცი ცხოვრობს, რომელიც საპატიმროდან, დაახლოებით, 5-6 თვის წინ გამოვიდა.

ადგილობრივების თქმით, მას 10 წლამდე ვადით თავისუფლების აღკვეთა ჰქონდა მისჯილი, ასევე ნარკოდანაშაულის ბრალდებით.