(რეზონანსი) საქართველოს პრემიერ-მინისტრი გიორგი კვირიკაშვილი ნიუ-იორკში გაერო-ს გენერალური ასამბლეის 72-ე სესიის გენერალური დებატების გახსნას დაესწრო.
გახსნით სესიაზე სიტყვით გამოვიდნენ გაერო-ს გენერალური მდივანი ანტონიო გუტიერეში და აშშ-ის პრეზიდენტი დონალდ ტრამპი.
გაერო-ს გენერალურმა მდივანმა ყურადღება გაამახვილა მსოფლიოს წინაშე არსებულ გამოწვევებზე, მათ შორის - ბირთვული იარაღის გამოყენებასა და ტერორიზმის წინააღმდეგ ბრძოლაზე, ასევე - მიგრაციასა და კლიმატის ცვლილებებზე.
სიტყვით გამოსვლისას აშშ-ის პრეზიდენტმა გაერო-ს საქმიანობის მნიშვნელობაზე, საერთაშორისო უსაფრთხოებასა და ტერორიზმის წინააღმდეგ ბრძოლაზე ისაუბრა.
ტრამპმა პარტნიორებს აშშ-ის მხარდაჭერისთვის მადლობა გადაუხადა და აღნიშნა, რომ აშშ მსოფლიოს, თავისი მოკავშირეების გვერდით ყოველთვის იქნება.
გაერო-ს გენერალური ასამბლეის 62-ე სესიის გენერალური დებატები 25 სექტემბრამდე გაგრძელდება.