(რეზინანსი) „ჯემ ფესტის" ტერიტორიაზე ნარკოტიკების შეძენა-შენახვის ბრალდებით დაკავებულ ბაქარ კორშიას, საპროცესო შეთანხმების საფუძველზე, ზუგდიდის რაიონულმა სასამართლომ 1 წლით თავისუფლების აღკვეთა და 5 წლით პირობითი მსჯავრი მიუსაჯა. ინფორმაციას „ლიბერალი" ავრცელებს

მისი ადვოკატი ნანა დარჩია ამბობს, რომ კორშიას ბიუჯეტის სასარგებლოდ 8 000 ლარის გადახდაც დაეკისრა.

ანაკლია-განმუხურში ელექტრონული მუსიკალური ფესტივალის მიმდინარეობისას, ჯემ ფესტის მიმდებარე ტერიტორიაზე ბაქარ კორშია ნარკოტიკული საშუალებების განსაკუთრებულად დიდი ოდენობით უკანონო შეძენა-შენახვის ბრალდებით დააკავეს.

მას ბრალი 260-ე მუხლის მე-6 ნაწილით ედებოდა, რაც 8-დან 20 წლამდე ან უვადო პატიმრობას ითვალისწინებს