(რეზონანსი) დეკანოზ გიორგი მამალაძის ადვოკატის გიორგი ფანცულაიას ინფორმაციით, ე.წ ციანიდის საქმეზე განაჩენი ხვალ 12:00 საათზე გამოცხადდება.

გიორგი მამალაძის საქმეზე მოსამართლე სათათბიროდ პირველ სექტემბერს გავიდა. 1-ელი სექტემბრის სხდომაზე თავად ბრალდებულმა, დეკანოზ გიორგი მამალაძემ სასამართლოს საბოლოო სიტყვით მიმართა.

შეგახსენებთ, რომ გიორგი მამალაძე თბილისის აეროპორტში 10 თებერვალს დააკავეს. ის ბერლინში მიფრინავდა, სადაც საქართველოს კათალიკოს-პატრიარქი ილია მეორეს ოპერაციისთვის ამზადებდნენ.

თებერვალში დაკავებულ დეკანოზს ბრალად ედება განზრახ მკვლელობის მომზადება ანგარების მოტივით. ბრალის დამტკიცების შემთხვევაში მას 20 წლამდე თავისუფლების აღკვეთა ემუქრება.