(რეზონანსი) გურიაში „Zara"-ს, „Mango"-ს, „Bershka"-სა და სხვა ცნობილი ბრენდების ჯინსები შეიკერება. სამკერვალო ფაბრიკა ოზურგეთში გაიხსნება.

გეგმის მიხედვით, თურქული კომპანია „Baykanlar" პირველ ეტაპზე 2 მილიონი ლარის ინვესტიციას განახორციელებს და 300 ადამიანს დაასაქმებს. ხოლო უახლოეს სამ წელიწადში სრული სამკერვალო ციკლის შექმნა, ინვესტიციის მოცულობის 15 მილიონ დოლარამდე გაზრდა და 1500-მდე ადამიანის დასაქმებაა გადედმილი.

,,სამხარეო ადმინისტრაციასა და თურქული მხარის ინტენსიური თანამშრომლობის შედეგად, ფაბრიკის გახსნასთან დაკავშირებით საბოლოო გადაწყვეტილება მიღებულია."- განაცხადა გურიის გუბერნატორმა გია სალუქვაძემ.

წინასწარი ინფორმაციით, საწარმო 2018 წელს გაიხსნება.