(რეზონანსი) ბათუმში „უეფა"-ს მე-4 კატეგორიის სტანდარტების სტადიონი აშენდება. სტადიონი 20 000 მაყურებელზეა გათვლილი. ინფორმაციას აჭარის მთავრობის თავმჯდომარე, ზურაბ პატარიძეზე დაყრდნობით, „ipress"-ი ავრცელებს.

„რამდენიმე დღეში გამოვაცხადებთ ტენდერს სტადიონის მშენებლობასთან დაკავშირებით. ვფიქრობ, უახლოეს პერიოდში ჩვენ გვექნება საშუალება, ერთად ვიზეიმოთ ამ პროექტის დაწყება", - აცხადებს პატარიძე.

ამ ეტაპზე სტადიონის პროექტი აეროდინამიკურ და გეოფიზიკურ შემოწმებას ლევან სამხარაულის სასამართლო ექსპერტიზის ეროვნულ ბიუროში გადის.