(რეზონანსი) „Al Ekhbariya" -ის ცნობით, საუდის არაბეთის პოლიციამ, მეფის ბრძანებით სამეფო ოჯახის ერთ-ერთი წევრი, პრინცი საუდ ბენ აბდულ-აზიზ ბენ მუსაიდი დააკავა. პოლიციამ დააკავა ის პირებიც, რომლებიც მოცემულ მომენტში პრინცთან ერთად იმყოფებოდნენ. საუდის არაბეთის მეფემ პრინცის დაკავების გადაწყვეტილება მას შემდეგ მიიღო, რაც სოციალურ ქსელში ვიდეო და ფოტოები გავრცელდა, რომელზეც პრინცი, თანამზრახველებთან ერთად, ქუჩაში გამვლელებს ესხმის თავს.

მეფის ბრძანებით, სასამართლოს გადაწყვეტილებამდე ყველა პირი პატიმრობაში დარჩება.