(რეზონანსი) შინაგან საქმეთა მინისტრის მოადგილემ, მერაბ მალანიამ ელექტრონული მუსიკის საერთაშორისო ფესტივალის - „GEM Fest-2017" დაწყებამდე, ღონისძიების უსაფრთხოების შესახებ შეხვედრა ჩაატარა.

შსს-ს ინფორმაციით, წელს ფესტივალის უსაფრთხოებაზე აშშ-ის ანტინარკოტიკული და სამართალდამცავი ორგანოებიც იზრუნებენ. მერაბ მალანიამ ამერიკელ ექსპერტებს ფესტივალის უსაფრთხოების გეგმა და ფესტივალისთვის განსაზღვრული ტერიტორია დაათვალიერებინა.

ანაკლიის მუსიკალური ფესტივალის უსაფრთხოებისთვის შსს-ს სპეციალური გეგმა აქვს, რომელშიც ჩართული არიან შსს-ს საგანგებო სიტუაციების მართვის სააგენტო, საპატრულო პოლიციის, კრიმინალური პოლიციის და დაცვის პოლიციის დეპარტამენტები.

„GEM Fest-2017" წელს უპრეცედენტოდ ხანგრძლივად, ერთი თვის განმავლობაში გაგრძელდება. ელექტრონული მუსიკის ფესტივალი დღეს გაიხსნა და 14 აგვისტოს ჩათვლით გაგრძელდება.