(რეზონანსი)გურჯაანში უბედური შემთხვევა მოხდა. ალაზნის სარწყავ არხში 57 წლის მამაკაცი და 6 წლის ბავშვი დაიხრჩო. გავრცელებული ინფორმაციით, მამა შვილთან ერთად ბანაობდა, რა დროსაც ნაპირზე გამოსვლა ვეღარ შეძლო.

6 წლის ბიჭის ცხედარი სამაშველო სამასახურმა დღეს გამთენისას სოფელ ვეჯინთან სარწყავ არხში იპოვა, მამის საძიებო სამუშაოები კი, ამ დრომდე გრძელდება.

ადგილზე სამაშველო ბრიგადებია მობილიზებული. ამ დროისთვის არსებული ინფორმაციით, მამა-შვილი სავარაუდოდ, სოფელ ჯიმითიდანაა და მამაკაცი გურჯაანის ერთ-ერთ ფერმაში მუშაობდა.

შინაგან საქმეთა სამინისტრის ინფორმაციით, მომხდარზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.