უკრაინის თავდაცვის მინისტრის მოადგილე ივან რუსნაკის განცხადებით, დონბასის 3-წლიანი კონფლიქტი უკრაინას 50 მილიარდი დოლარი დაუჯდა. ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში, ამირან სალუქვაძე აცხადებს, რომ "მინსკი 2"-ის შეთანხმების შესრულებას ითხოვს როგორც რუსეთი, ასევე დასავლეთი, თუმცა შეთანხმებაში არის უკრაინისთვის არასასურველი საკითხები, რამაც შესაძლოა, უკრაინის მხრიდან საპასუხო ჯაჭვური რეაქცია გამოიწვიოს.