(რეზონანსი) უკრაინაში, ჩერნობილის ატომური ელექტროსადგურის მიმდებარე ტერიტორიაზე მასშტაბური ხანძარი ლიკვიდირებულია, ამის შესახებ უკრაინის საგანგებო სიტუაციების სამსახური აცხადებს.

ხანძრის ჩაქრობის პროცესში 100-ზე მეტი მეხანძრე და სამაშველო სამსახურის სახმელეთო და საჰაერო ძალები იყო ჩართული.

ცეცხლი ლუბიანსკის ტყეში, დასახლებულ ტერიტორიასთან ახლოს, 29 ივნისს, ადგილობრივი დროით 13:25 საათზე გაჩნდა, 30 ივნისის დილას კი ტყის მასივის 25 ჰექტარი განადგურებული იყო.