(რეზონანსი) მიმდინარე წლის ბოლომდე, საქართველოს რეგიონებში წყლის ერთიანი გათანაბრებული ტარიფი დადგინდება.

მანამდე კი „საქართველოს გაერთიანებული წყალმომარაგების კომპანიამ" სემეკს ტარიფის გადახედვის მოთხოვნით უნდა მიმართოს, რაც ამ წლის ბოლოსთვის იგეგმება.

სემეკის წევრი გიორგი ფანგანი ადასტურებს, რომ უახლოეს მომავალში კომისია „საქართველოს გაერთიანებული წყალმომარაგების კომპანიის" ტარიფის გადახედვას გეგმავს:

„გაერთიანებული წყალმომარაგების კომპანია" პრაქტიკულად, ერთადერთი მსხვილი კომპანიაა, რომლის ტარიფი ჯერ არ დადგენილა. რა თქმა უნდა, კომისია უახლოეს მომავალში აპირებს ამ ტარიფის გადახედვას, თუმცა ჯერჯერობით სატარიფო განაცხადი წარმოდგენილი არ არის," - განაცხადა ფანგანმა.