(რეზონანსი) დეკანოზ მამალაძის სარჩელი საპატრიარქოს იურისტის ედიშერ ქარჩავას წინააღმდეგ თბილისის საქალაქო სასამართლომ წარმოებაში არ მიიღო. ამის შესახებ თავად ქარჩავამ განაცხადა.

ედიშერ ქარჩავას წინააღმდეგ სარჩელი სასამართლოში, 9 ივნისს, დეკანოზ მამალაძის ადვოკატმა მიხეილ რამიშვილმა შეიტანა. აღნიშნული სარჩელი ქარჩავას მიერ გაკეთებულ განცხადებას შეეხებოდა, რომელშიც საპატრიარქოს იურისტი ამბობს, რომ დეკანოზის არალეგალური სამეწარმეო საქმიანობის დამადასტურებელი მტკიცებულებები აქვს.

საპატრიარქოს იურისტის თქმით, მას გააჩნია მტკიცებულებები, რომლებიც ადასტურებს, რომ დეკანოზმა მამალაძემ 50 მილიონი ევროს გათეთრების და გრანტების მოპოვებისთვის ესპანეთში კომპანია დაარეგისტრირა.

დეკანოზი გიორგი მამალაძე 2017 წლის 10 თებერვალს დააკავეს.