(რეზონანსი) მარგველაშვილი პარლამენტის წევრებს მოუწოდებს, დაჩქარებული წესით არ მიიღოს „შეუთანხმებელი საკონსტიტუციო ცვლილებები". ამის შესახებ თავად პრეზიდენტმა საგანგებო ბრიფინგზე განაცხადა, რომელზეც პარლამენტის თხოვნას, საკონსტიტუციო ცვლილებების განსახილველად რიგგარეშე სესიის მოწვევის თაობაზე, უარით უპასუხა.

გიორგი მარგველაშვილმა პარლამენტის წევრებს ვენეციის კომისიის რეკომენდაციების საფუძველზე, შესთავაზა უკეთესი კონსტიტუციის პროექტის ვერსია.

„ჩემს უარს აქვს პოლიტიკური შინაარსი. მე მოვუწოდებ პარლამენტს, არ მიიღოს უაღრესად დაჩქარებული წესით შეუთანხმებელი ცვლილებები, დაუბრუნდეს ვენეციის კომისიის მიერ შემოთავაზებულ შენიშვნებს და რეკომენდაციებს და სწორედ ამ სულისკვეთების რეჟიმში დაწეროს კონსტიტუციის უკეთესი ვერსია", - განაცხადა პრეზიდენტმა.