(რეზონანსი) პორტუგალიური სპორტული გამოცემის ინფორმაციით, კრიშტიანუ რონალდუმ მადრიდის „რეალის" დატოვება გადაწყვიტა.

ესპანეთის პროკურატურა ფეხბურთელს გადასახადების დამალვაში ადანაშაულებს, რის გამოც მის წინააღმდეგ საქმეა აღძრული. საუბარია 14.5 მილიონ ევროზე.

აღნიშნულ ბრალდებას რონალდუ კატეგორიულად უარყოფს და როგორც ჩანს, სწორედ ამ მიზეზის გამო „რეალის" დატოვება და კარიერის სხვა კლუბში გაგრძელება გადაწყვიტა.

ვრცელდება ინფორმაცია, რომ ფეხბურთელმა საკუთარი სურვილის შესახებ, სამეფო კლუბის პრეზიდენტი ფლორენტინო პერესი საქმის კურსში უკვე ჩააყენა.