(რეზონანსი) ფინანსთა სამინისტროს საგამოძიებო სამსახურში საკადრო ცვლილებებია. თანამდებობები დატოვეს უფროსის მოადგილემ, მიხეილ ახვლედიანმა და საზოგადოებასთან ურთიერთობის დეპარტამენტის უფროსმა, გიორგი გრძელიშვილმა.

საგამოძიებო სამსახურის უფროსმა, გიორგი ბადაშვილმა თანამდებობა რამდენიმე დღის წინ დატოვა. ის გუშინ მთავარი პროკურორის მოადგილედ დაინიშნა.

გიორგი ბადაშვილმა კარიერა საქართველოს ფინანსთა სამინისტროს საგამოძიებო სამსახურში 2006 წლის ივლისიდან დაიწყო. 2014 წლის 21 იანვრიდან, 2015 წლის 2 დეკემბრამდე ეკავა საქართველოს მთავარი პროკურორის თანამდებობა. 2015-2017 წლებში საგამოძიებო სამსახურის ხელმძღვანელის თანამდებობაზე მუშაობდა.