(რეზონანსი) საფრანგეთის პროკურატურამ ემანუელ მაკრონის საარჩევნო შტაბის ყოფილი ხელმძღვანელის, ამჟამად კი მისი მთავრობის მინისტრის, რიშარ ფერანის წინააღმდეგ წინასწარი გამოძიება დაიწყო. ამის შესახებ ონფორმაციას „BBC"-ი, ფრანგულ „Bfmtv"-ზე დაყრდნობით ავრცელებს.

ქალაქ ბრესტის პროკურატურაში აცხადებენ, რომ გამოძიების დაწყება მას შემდეგ გადაწყვიტეს, რაც რამდენიმე გამოცემამ ფერანის ფინანსურ მაქინაციებთან დაკავშირებით სტატიები გამოაქვეყნა.

სტატიებში საუბარია, რომ ფერანი ბოროტად იყენებდა საკუთარ თანამდებობას, ერთ-ერთ მაგალითად კი მისი შვილის შემთხვევა მოჰყავთ. გავრცელებული ინფორმაციით, მას ასისტენტად საკუთარი შვილი ჰყავდა აყვანილი და ოთხი თვის განმავლობაში ხელფასს საპარლამენტო ფონდიდან უხდიდა.

პუბლიკაციების მიხედვით, ფერანის ხელმძღვანელობით, 6 წლის წინ არსებული ურთიერთდახმარების სადაზღვევო კომპანია ბრეტანი, საოფისე ფართებს მისი ცოლისგან ქირაობდა.მინისტრი აღნიშნულ ბრალდებებს უარყოფს.