(რეზონანსი) საპატრიარქო თავის იურისტს, ედიშერ ქარჩავას ნებართვის გარეშე, პირადი ინიციატივებისგან თავის შეკავებას ურჩევს. მისი სატელევიზიო გამოსვლების შესახებ საპატრიარქო საგანგებო განცხადებას ავრცელებს,რომლის მიხედვითაც ედიშერ ქარჩავას ბოლოდროინდელი განცხადებები საქართველოს საპატრიარქოსთან არ იყო შეთანხმებული.

„გადაწყვეტილების დამოუკიდებლად მიღება და საჯარო სივრცეში პირადი ინიციატივით წარმოჩენა არასწორია. ის ფაქტი, რომ ზოგიერთი სასულიერო პირი კათოლიკოს-პატრიარქის ლოცვა-კურთხევასა და წმინდა სინოდის მოწოდებებს არღვევს და ნებართვის გარეშე სატელევიზიო გამოსვლებს არ ერიდება, ცალკე განსჯის საგანია, მაგრამ ასეთი ქცევა გამამართლებელი არ არის არავისთვის" , - ნათქვამია საპატრიარქოს განცხადებაში.