(რეზონანსი) ტრამპის ადმინისტრაციამ ვიზების გაცემის წესები გაამკაცრა. ახალი წესები სოციალურ ქსელში დარეგისტრირებული სახელების მითითებასაც ითვალისწინებს. ამის შესახებ ინფორმაციას „Reuters"-ი ავრცელებს.

სააგენტოს ცნობით, სხვადასხვა ქვეყნებში აშშ-ის საკონსულოების თანამშრომლებს უფლება ექნებათ მოითხოვონ წინა პასპორტების ნომრები და ბოლო ხუთი წლის განმავლობაში სოციალურ ქსელებში დარეგისტრირებული გვერდების დასახელება. აპლიკანტმა ასევე უნდა წარადგინოს ბოლო 15 წლის დეტალური ბიოგრაფია, მათ შორის დასაქმების მონაცემები და მგზავრობების ისტორია.

სავიზო ანკეტაში აღნიშნული კითხვები მითითებულია, როგორც არასავალდებულო, თუმცა მათი შეუვსებლობის შემთხვევაში, ვიზის გაცემა შეიძლება გაჭიანურდეს, ან ვიზის გაცემაზე უარი მიიღოთ.