(რეზონანსი) პარტია „ევროპული საქართველოს" თავმჯდომარის პოსტზე დავით ბაქრაძის კანდიდატურაა წარდგენილი, პოლიტსაბჭოს თავმჯდომარის პოსტზე გიგა ბოკერია, გენერალური მდივნის პოსტზე გიგი უგულავა, ხოლო თბილისის მერობის კანდიდატად - ელენე ხოშტარია. ამის შესახებ პარტიის წევრმა, ირმა ნადირაშვილმა სპორტის სასახლეში, მოძრაობა „ევროპული საქართველოს" ყრილობაზე განაცხადა.

„ევროპულმა საქართველომ" დღეს პირველი დამფუძნებელი ყრილობა გამართა,რომელსაც პარტიის 500-მდე ხმოსანი დელეგატი, პოლიტსაბჭოს პარტიის თავმჯდომარე და გენერალური მდივანი აირჩევს.

„ჩვენი პარტია არის „ქართული ოცნების" ერთადერთი რეალური ალტერნატივა, რომელსაც რეალურად აქვს უნარი, აიღოს თავისთავზე პასუხისმგებლობა და ქართული ეკონომიკა კრიზისიდან გამოიყვანოს" , -განაცხადა პარტიის წევრმა გიგი უგულავამ.