(რეზონანსი) გენერალური შტაბის უფროსის, ვლადიმერ ჩაჩიბაიას ინფორმაციით, საქართველოს დამოუკიდებლობის დღის აღნიშვნასთან დაკავშირებით, თავისუფლების მოედანზე ქართული და დასავლური, ეროვნული და საერთაშორისო სტანდარტების ჯავშანტექნიკაა წარმოდგენილი. საჰაერო თავდაცვის საშუალებები კი აღლუმზე წარმოდგენილი არ იქნება.

„წელს არ იქნება წარმოდგენილი საჰაერო კომპონენტი. მიმდინარეობს რეორგანიზაციის პროცესი. განსაკუთრებული აქცენტი კეთდება საჰაერო თავდაცვის საშუალებებზე. საჰაერო კომპონენტის წარმოდგენის საკითხი სავარაუდოდ მომავალ წლებში განიხილება. ამ ეტაპზე ჩავთვალეთ, რომ აუცილებლობას არ წარმოადგენს ავიაციის გადაფრენა" , - განმარტავს ვლადიმერ ჩაჩიბაია.