ზიმბაბვეში ნიანგებმა პასტორი ჯონათან მჰვეტვი შეჭამეს. უბედური შემთხვევა ქვეყნის იმ ნაწილში მოხდა, სადაც მდინარეებში ნიანგების დიდი რაოდენობაა გავრცელებული. ამის შესახებ ინფორმაციას „dailymail"-ი ავრცელებს.

როგორც თვითმხილველი, სასულიერო პირის ერთ-ერთი მოსწავლე ამბობს, ჯონათან მჰვეტვი მდინარეში ისეო ქრისტეს წყალზე სიარულის დემონსტრირებისთვის შევიდა, შემდეგ 30 მეტრი გაცურა და ნაპირზე ამოსვლისას თავს 3 ნიანგი დაესხა.

„მდინარეში შესვლამდე მთელი კვირა ლოცულობდა, ხოლო ნიანგებმა იგი ნახევარ წუთში შეჭამეს", - განუცხადა ადგილზე მისულ სამაშველო სამსახურის წარმომადგენლებს მღვდლის მოსწავლემ.

ცოტა ხნით ადრე, ზიმბაბვეში ნიანგებმა პროფესიონალი მონადირე შეჭამეს.