ეროვნულ-დემოკრატიული ინსტიტუტის -„NDI"-ის კვლევის მიხედვით, გამოკითხულთა უმეტესობა, 38% მიიჩნევს, რომ მათ შეხედულებებთან ახლოს არცერთი პარტია არ დგას. 29% მიიჩნევს, რომ მათ შეხედულებებთან ყველაზე ახლოს „ქართული ოცნებაა", 10% ფიქრობს, რომ ეს არის „ერთიანი ნაციონალური მოძრაობა".

რესპონდენტთა 4% მიიჩნევს, რომ მათ იდეებს ყველაზე მეტად „პატრიოტთა ალიანსი" იზიარებს, 3% კი ფიქრობს, რომ „ლეიბორისტული პარტია".

გამოკითხულთა 4%-ს კითხვაზე პასუხი არ აქვს. სხვა პარტიებს კი საკუთარ შეხედულებებთან ახლოს რესპონდენტთა 8 % მიიჩნევს.

„NDI"-ის კვლევის საველე სამუშაოები 7-28 აპრილის პერიოდში ჩატარდა საქართველოს მასშტაბით, ოკუპირებული ტერიტორიების გამოკლებით. კვლევის ძირითადი საკითხები იყო ქვეყნის კონსტიტუციაში შესატანი ცვლილებები, პრეზიდენტის არჩევის წესის ცვლილება, ასევე „გაზპრომთან" გაფორმებული ხელშეკრულება და პოლიტიკური პარტიების მხარდაჭერა.