ყოფილ პარლამენტთან დაზარალებული მეანაბრეები მორიგ აქციას მართავენ. მათი მტკიცებით, მძიმე მდგომარეობის გამო დაზარალებულთა შორის გარდაცვლილთა რაოდენობამ 12-ს მიაღწია.

გავრცელებული ინფორმაციით, საფინანსო კომპანია „საქართველომ" 2 300-ზე მეტი მეანაბრე დააზარალა. კომპანიის ვალი ათეულობით მილიონს აღწევს.

საქმეს საქალაქო სასამართლოც განიხილავს. დაზარალებულების მტკიცებით, პროცესი განზრახ ჭიანურდება.

საკითხის შესასწავლად პარლამენტში სპეციალური კომისია შეიქმნა.