ლაგოდეხში 25 წლის კაცი ცივი იარაღით ამ დრომდე დაუდგენელმა პირმა დაჭრა. გავრცელებული ინფორმაციით, მას ჭრილობები მუცლისა და გულმკერდის არეში აქვს მიყენებული. შემთხვევა ლაგოდეხიდან რამდენიმე კილომეტრში მდებარე ერთ-ერთ ეკლესიასთან იმ დროს მოხდა, როცა ის მეგობრებთან ერთად სახლში ბრუნდებოდა. დაჭრის მიზეზად ურთიერთშელაპარაკება სახელდება.

დაშავებული კლინიკაში გადაიყვანეს, სადაც ქირურგიული ოპერაცია ჩაუტარდა. ექიმების თქმით, პაციენტის ჯანმრთელობის მდგომარეობა ამ ეტაპზე სტაბილურია. მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.