საქართველოს პრეზიდენტი აშშ-ის წარმომადგენელთა პალატის მიერ მიღებულ დოკუმენტს გამოეხმაურა, რომელსაც დონალდ ტრამპმა ხელი დღეს მოაწერა. დოკუმენტის მიხედვით, აშშ-ის ადმინისტრაციას ეკრძალება იმ ქვეყნების ფინანსური დახმარება, რომლებიც საქართველოს ოკუპირებულ ტერიტორიებს აღიარებენ .

„ამ კანონით აშშ იცავს საქართველოს სუვერენიტეტს, ერთიანობას და განსაკუთრებულ სიძლიერეს ჰმატებს ოკუპირებული ტერიტორიების არაღიარების პოლიტიკას. კონგრესის ორივე პალატამ, აღმასრულებელმა ხელისუფლებამ და პრეზიდენტმა ტრამპმა, ამ გადაწყვეტილებით კიდევ უფრო გააძლიერეს საქართველოსა და აშშ-ის სტრატეგიული თანამშრომლობა" , - ნათქვამია პრეზიდენტის განცხადებაში.